Ipinagpatuloy ngayong araw ang distribusyon ng mga election paraphernalia sa Quezon City Hall para sa Barangay at Sangguniang Kabataan Elections bukas.
Ang pamamahagi ng mga kagamitan ay para sa polling precints sa District 4, 5 at 6.
Pagkatapos makuha sa City Hall ay inihahatid ang mga guro ng mga sasakyan kasama ang escort na pulis at traffic enforcer.
Ayon sa Commission on Election-Quezon City (COMELEC-Quezon City), tatapusin ang pamamahagi ng mga balota hanggang mamayang alas-7:00 ng gabi.
Kahapon, pinasimulan ang distribusyon ng election paraphernalia sa District 1,2 at 3.
Sa kabuuan ay naging maayos at sistematiko ang pamamahagi nito simula pa kahapon. | ulat ni Rey Ferrer
