Pinayuhan ni Department of the Interior and Local Government (DILG) Secretary Benjamin Abalos ang mga Pilipino na boboto ngayong araw para sa BSK Elections na huwag papadala sa pera kapalit ng kanilang boto.
Ayon sa kalihim, napakahalaga na pag-isipang mabuti at piliin ang karapat-dapat na mahalal na opisyal ng barangay dahil ito ang mamumuno sa pagdadala ng basic services sa kanila.
Paghimok pa ni Abalos na agad ipagbigay alam sa mga awtoridad ang anoman insidente ng vote buying.
Pasado alas-8 ng umaga dumating si Sec. Abalos sa Highway Hills Integrated School para bumoto kasama si Mandaluyong Mayor Menchie Abalos. | ulat ni Kathleen Jean Forbes