Inirekomenda ni Department of the Interior and Local Government (DILG) Secretary Benhur Abalos Jr. kay PNP Chief General Benjamin Acorda na alisin sa pwesto ang Substation Commander at mga tauhan nito sa Pasay City.
Kasunod nito ang pagkadiskubre ng POGO Hub sa lungsod na may mga ginagawang iligal aktibidad.
Una nang sinalakay ng mga tauhan ng Presidential Anti -Organized Crime Commission at PNP-Special Action Force ang POGO Hub at nadiskubre ang talamak na Sex Trafficking, Crypto Scam at Love Scam.
Nais ni Abalos na sasailalim sa malalimang imbestigasyon ang kaso lalo pa’t nasa 600 ang hinihinalang nabiktima dito.
Hindi naman kasamang pinaaalis ang Chief of Police ng Pasay City pero pinaiimbestigahan na rin ito ng kalihim. | ulat ni Rey Ferrer
