May 1,600 hanggang 2,000 na mga European at Asian na pasahero sakay ng MV Norwegian Jewel ang dumating sa isla ng Boracay, Malay, Aklan ngayong araw.
Pinaka-unang pagkakataon ito ng MV Norwegian Jewel na makabisita sa Boracay.
Ang nasabing cruise ship ay mula sa Taiwan bago ito dumating sa isla at pagkatapos nila sa Boracay tutungo sila sa Manila.
Walong oras ito na naka-angkla sa pantalan kung saan ang ilang dayuhang turista ay nag-island hopping, at ang iba ay naglibot sa mga komersyal na establisyimento at bumili ng mga lokal na produkto sa isla.
Ayon kay Rechan Casidsid ng Malay Tourism Office, ngayong buwan ng Nobyembre, may dalawang iba pang cruise ship na dadaan sa Boracay.
Sa buwan ng Disyembre, may isang cruise ship ang naka-schedule na bibista sa isla. | ulat ni Elena Pabiona | RP Iloilo
