Nalampasan ng Bureau of Customs (BOC) ang target collection nito para sa Oktubre 2023 na may halos P80-bilyon na total revenues.
Batay sa preliminary data, nakakolekta ang BOC ng abot sa P78.616-bilyon noong Oktubre, nakapagtala ng 1.4% na pagtaas o P1.084-bilyon na higit sa target collection nito para sa buwan.
Para sa ten-month period mula Enero hanggang Oktubre 2023, umabot sa P739-bilyon ang kita ng BOC na may 2.4 % na higit pa o P17.287-bilyon na mas mataas kaysa sa P721.717-bilyong target collection nito para sa nasabing panahon.
Sinabi ni BOC Commissioner Bienvenido Rubio, tumaas din ng 3.57% o P25.482-bilyon ang kita ngayong taon mula sa koleksyon noong nakaraang taon na P713.522-bilyon.
Matatandaang lalo pang pinalakas ng BOC ang mga pagsisikap nito sa trade facilitation nitong Oktubre 18. | ulat ni Rey Ferrer
