Himas-rehas ngayon ang dalawang tulak ng iligal na droga matapos maaresto sa isinagawang operasyon ng mga operatiba sa Brgy 194 Zone 20 Pasay City.
Nahuli sa buy-bust operation ang dalawang suspek na kinilalang sina John Jason Placido, 27 anyos at ang kasabwat nito na si Elton John Bella alyas Atong.
Ayon sa Pasay City Police, kabilang ang dalawa sa drug watchlist ng lungsod na matagal nang minamanmanan.
Nasabat ng mga awtoridad sa mga suspek ang tatlong sachet ng hinihinalang shabu na may bigat na 20grams na nagkakahalaga ng P136,000.
Sasampahan ang mga suspek ng paglabag sa RA 9165 o comprehensive dangerous drugs act of 2002. | ulat ni Janze Macahilas
