Hinarang ng mga tauhan ng Bureau of Plant Industry ang samu’t saring produktong agrikultural buhat sa 6 na pasahero na sakay ng magkakahiwalay na flight at dumating sa Ninoy Aquino International Airport o NAIA.
Ito’y ayon sa BPI ay matapos na mabigo ang mga naturang pasahero na magpakita ng kaukulang dokumento para maipasok ito sa Pilipinas.
Kabilang sa mga produktong nasabat ay mansanas, mais, repolyo, beans, talong, sibuyas at sili na bitbit ng mga pasaherong mula sa Xiamen, China.
Nakumpiska rin ang mga prutas na dala ng iba pang mga pasahero gaya ng orange, peras, suha, kamote, dragon fruit, ubas at peaches
Kumpiskado din ang persimmon mula Narita sa Japan gayundin ang peas mula Hong Kong at mahigit 11 kilo ng atis mula sa Taiwan. | ulat ni Jaymark Dagala
