Nakatakda nang manumpa sa tungkulin ngayong araw ang mga nanalong opisyal sa Barangay at Sangguniang Kabataan (BSK) Elections sa Lungsod ng Caloocan.
Nakaiskedyul na isagawa ang Mass OathTaking Ceremony mamayang alas-3 ng hapon sa Caloocan City Sports Complex.
Pangungunahan ito ni Caloocan Mayor Along Malapitan, Vice Mayor Karina Teh, at pati na mga district representative ng lungsod.
Inaasahan namang aabot sa 1,504 na mga elected Barangay at Sangguniang Kabataan officials ang dadalo sa panunumpa mamaya.
Una nang ipinunto ni Mayor Along na umaasa itong magiging katuwang ang mga nanalong Barangay officials sa pagsusulong ng isang progresibong Caloocan para sa lahat. | ulat ni Merry Ann Bastasa
