Nagtagpuang patay ang maglive-in partner matapos umanong magsaksakan sa loob ng kanilang bahay sa Phase 4 Package 6 Barangay. 176, Caloocan City.
Kinilala ang mga nasawi na sina Julieta Espaniola, 46 anyos, at ang kinakasama nitong si Edgardo Mananqui, 50 anyos.
Ayon sa mga tauhan ng Barangay 176, alas-8:30 ng umaga kanina nang madiskubre ang bangkay ng maglive-in partner sa loob ng kanilang bahay.
Madalas din umanong mag-away ang maglive-in partner dahil sa matinding pagseselos ng lalaki.
Kwento ng ilan sa residente, maaaring kagabi o madaling araw nangyari ang krimen dahil madalas daw silang nakakarinig ng sigawan sa bahay nito kapag nag-aaway.
Batay sa inisyal na imbestigasyon, posible umanong sinaksak muna ni Mananqui si Espaniola at matapos nito ay sinaksak din niya ang kaniyang sarili. | ulat ni Paula Antolin
