Arestado ng mga tauhan ng Substation 4 Muntinlupa City Police ang dalawang drug suspect habang nagsasagawa ng anti-criminality operation ngayong Linggo ng umaga sa Zone 1 Sitio Pagkakaisa, Brgy. Sucat, Muntinlupa City.
Kinilala ni PBGen. Kirby John Brion Kraft, DD, SPD ang mga suspek na sina Albaser Makakua, 22 taong gulang at Sandy Jardinico, 47 taong gulang na isang pintor.
Narekober ang tatlong pakete ng plastik na na naglalaman ng 35 gramo ng shabu na nagkakahalaga ng ₱238,000. Ituturn-over ito sa SPD Forensic Unit para sa chemical analysis.
Mahaharap sa mga kasong paglabag sa RA 9165 o Comprehensive Dangerous Drugs Act of 2002 ang mga naarestong suspek. | ulat ni Paula Antolin
