Target tapusin ng North Luzon Expressway Corporation (NLEX) ang Meycauayan Decongestion Project bago magpasko ngayong Disyembre 2023.
Ayon sa NLEX Corporation, kanila nang sinimulan ang proyekto sa tulong ng Meycauayan local government unit.
Isinasagawa ang road widening para sa isa pang lane ng Meycauayan Northbound Exit sa F. Raymundo sa Barangay Pandayan.
Kapag natapos ang proyekto,asahan nang maibsan ang mabigat na daloy ng trapiko sa lugar. Mula sa dalawang lane ay magiging tatlo na sa Northbound Exit.
Noong Oktubre 7 pinasimulan ang widening works sa portion ng NLEX sabay ng pagtiyak na naka deploy sa key areas ang mga traffic personnel para pangasiwaan ang sitwasyon ng trapiko. | ulat ni Rey Ferrer
