Nag-deploy ng dalawang S-70i Blackhawk helicopter ang Philippine Air Force para sa military freefall o paradrop simulation ng Field Training Exercise o FTX 5 ng Armed Forces of the Philippines’ Joint Exercises Dagat-Langit-Lupa (AJEX DAGITPA).
Ang pagsasanay ay isinagawa nitong Sabado sa Culili Point, Paoay, Ilocos Norte.
Kalahok dito ang mga aircrew ng Philippine Air Force (PAF) 205th Tactical Helicopter Wing, at para-jumpers ng Philippine Army (PA) Light Reaction Regiment, Special Forces Regiment (Airborne), First Scout Ranger Regiment, Philippine Navy (PN) Force Reconnaissance Group.
Itinanghal sa military free fall exercise na ito ang interoperability ng iba’t ibang sangay ng AFP at ang kapabilidad ng mga tropa na magsagawa ng precision airdrop na mahalaga sa mga aktwal na misyon. | ulat ni Leo Sarne
📷: PAF
