Aabot na sa higit P78 milyon ang halaga ng ayudang naipamahagi ng Department of Social Welfare and Development katuwang ang LGUs sa mga lalawigang naapektuhan ng oil spill.
Kabilang sa naabutan ng ayuda ang mga residente mula sa 157 na apektadong barangay sa MIMAROPA at Western Visayas.
Kahapon lang, nagsagawa ang DSWD Field Office MIMAROPA ng payout sa mga residenteng benepisyaryo ng Cash-For-Work Program sa munisipalidad ng Naujan at Pinamalayan sa Oriental Mindoro.
Layon ng CFW program na bigyan ng pansamantalang pagkakakitaan ang mga pamilyang natigil ang kabuhayan dulot ng oil spill.
Kaugnay nito, sa pinakahuling datos mula sa DSWD Disaster Response Operations Monitoring and Information Center, as of March 27, ay nasa higit 34,000 pamilya pa rin o katumbas ng 165,188 na indibidwal ang apektado ng nangyaring oil spill . | ulat ni Merry Ann Bastasa
