Inanunsyo ng Philippine Embassy sa Tel-Aviv, Israel na magbibigay ito ng psychological support sa mga Pilipinong apektado ng kaguluhan sa pagitan ng Israel at militanteng grupo na Hamas.
Una rito, nagkaroon ng pagpupulong ang Philippine Red Cross, Department of Migrant Workers (DMW) at Philippine Embassy sa Tel-Aviv, Israel online para talakayin ang mga probisyon ng online psychological first aid at makontak ang kanilang pamilya sa Pilipinas.
Una nang hiniling ni PH Ambassador to Israel, H.E Pedro Laylo, sa PRC, sa pamamagitan ng sulat na ipinadala kay Chairperson at CEO Dick Gordon, na magsagawa ng online psychological support.
Kaagad namang inatasan ni Gordon ang PRC Welfare Services na makipag-ugnayan sa kanila at gumawa ng proseso upang maibigay ang kanilang mga serbisyong psychological support online sa mga OFW. | ulat ni AJ Ignacio
