Nilahukan ng mga kabataan mula sa iba’t ibang bayan ng National Capital Region (NCR) ang inilunsad na Regional Children’s Congress ngayong araw sa Muntinlupa City bilang bahagi ng National Children’s Month Celebration.
Iba’t ibang aktibidad ang inilatag para sa mga kabataang participants tulad ng workshops at discussions patungkol sa mga issues o concern na nararanasan ng kapwa nila bata sa kanilang mga lugar.
Ibinihagi rin ng ilang kalahok sa Children’s Congress kung bakit mahalaga ang mga ganitong kaganapan sa kanilang mga kabataan lalo na upang mapakinggan ang kanilang opinyon sa mga social issues na nangyayari sa bansa.
Ngayong taon, ang Muntinlupa City LGU ang gaganap bilang host city kung saan inilatag nito ang iba’t ibang aktibidad na sesentro sa kapakanan at pangangalaga ng mga kabataan. | ulat ni EJ Lazaro
