Maagang nag-ikot si Land Transportation Franchising and Regulatory Board (LTFRB) Chair Teofilo Guadiz III para i-monitor ang lagay ng mga pangunahing kalsada sa Metro Manila ngayong unang araw ng strike ng transport group na PISTON.
Ayon kay Chair Guadiz, batay sa kanyang inisyal na monitoring, nananatiling normal ang lagay ng trapiko sa mayorya ng mga kalsada sa Metro Manila bagamat may ilang lugar lang aniyang nagkakaroon ng pag-iipon ng mga pasahero kabilang ang Novaliches, Commonwealth, at Pasig.
Agad naman aniya itong tinutugunan sa pakikipagtulungan sa mga LGU para makapag-deploy ng libreng sakay.
Kabilang pa sa mga rutang tinututukan ng LTFRB ang:
- Novaliches – Malinta (along Gen. Luis)
- Shelter Ville – Novaliches
- Bagumbong – Novaliches
- Deparo – Novaliches
- Paco – Sta.Mesa
- Monumento Area
- Catmon
- Alabang Area – Baclaran
- A.Francisco St. – San Andres Bukid
- NIA-NPC to Mindanao Avenue
Punto ni Chair Guadiz, prayoridad nila ngayon na masigurong walang maii-stranded na pasahero lalo na ang mga papasok ng trabaho.
Una na ring nag-deploy ng 250 rescue vehicles ang LTFRB na ipinakalat sa Metro Manila. | ulat ni Merry Ann Bastasa
