Nananatiling sarado sa mga motorista ang isang kalsada sa bayan ng Glan, Saranggani Province matapos ang nangyaring 6.8 magnitude na lindol nitong Biyernes.
Sa ulat ng DPWH Region 12 kay Sec. Manuel Bonoan, hindi muna pwedeng daanan ang Buayan-Glan Road dahil kasalukuyang nagsasagawa ng inspeksyon sa tulay ng Buayan.
Ang naturang tulay ang nagdurugtong sa dalawang bayan patungong General Santos City.
Naglaan muna ng alternatibong ruta ang DPWH hanggat hindi natatapos ang assessment sa tulay.
Maliban sa nasabing tulay, walang naitala na anumang matinding pinsala sa mga kalsada at tulay sa buong rehiyon matapos ang malakas na pagyanig. | ulat ni Michael Rogas
