Nagpalabas ng abiso ang Metropolitan Manila Development Authority (MMDA) sa publiko kaugnay ng operasyon ng Pasig River Ferry System sa papalapit na Semana Santa.
Ayon sa MMDA, suspendido ang operasyon ng Pasig River Ferry System simula Miyerkules Santo, Abril 5 hanggang sa Lunes, Abril 10.
Dahil dito, sinabi ng MMDA na kanilang gagamitin ang pagkakataong ito para magsagawa ng maintenance activities sa kanilang mga ferry boat.
Nakatakda namang magbalik operasyon ang Pasig River Ferry System sa araw ng Martes, ika-11 ng Abril ng taong kasalukuyan. | ulat ni Jaymark Dagala
