Sumabak ang Philippine Army Shooting Contingent (PASCON) sa 31st Association of Southeast Asian Nations Armies Rifle Meet (AARM) sa Infantry Training Center, Fort Thanarat, Pran Buri District, Prachuap Khiri Khan, Thailand.
Ang Opening Ceremony kahapon ay dinaluhan ni Philippine Army Vice Commander Brigadier General Leodevic Guinid kasama ang mga miymebro ng PASCON.
Binati ni Brig. Gen. Guinid ang mga miyembro ng PASCON para sa kanilang tagumpay at binigyan ng inspirasyon para ibuhos ang kanilang galing sa kumpetisyon bilang mga representante ng Philippine Army.
Si Colonel William Victorino Upano ang Commander ng PASCON, na makikipagpaligsahan sa limang kategorya: rifle, carbine, machine gun, pistol men, at pistol ladies.
Ang 31st AARM 2023 na may temang “Armies collaboration to reinforce ASEAN Centrality” ay nilahukan ng Brunei, Cambodia, Indonesia, Laos, Malaysia, Myanmar, Philippines, Singapore, Thailand, at Vietnam. | ulat ni Leo Sarne
📸: PASCON 2023
