Sampung taon makalipas ang paghagupit ng Bagyong Yolanda, nangako ang Philippine Red Cross (PRC) na ipagpapatuloy nito ang pagtulong sa mga komunidad na nasalanta ng Bagyong Yolanda.
Ayon kay PRC Secretary General Dr. Gwen Pang, patuloy ang paghahatid ng mga intervention program ng PRC sa mga lugar na naapektuhan ng naturang bagyo.
Kaugnay nito ay nagtayo ang PRC at mga partner organization nito ng mahigit 6,000 bahay para sa mga nawalang ng tirahan sa Antique, nagbigay livelhood at training pati na cash assistance sa mahigit 5,000 pamilya.
Tumulong din ang PRC sa pagtatayo ng mga paaralan at health facility sa nasabing lalawigan.
Tiniyak naman ni PRC Chairman at CEO Richard Gordon na makikipagtulungan sa ibang humanitarian organizations upang makapaghatid ng mga tulong sa mga komunidad na nasalanta ng mga kalamidad.| ulat ni Diane Lear
