Inaresto na ng National Bureau of Investigation – National Capital Region (NBI-NCR) ang nagpapanggap na abogado sa Bacoor City Cavite dahil sa kasong Estafa.
Kinilala ng NBI ang bogus na abogado na si Maria Jouielun Mendoza Catarbas.
Sa ulat ng NBI, inireklamo ng isang complainant si Catarbas na nagpakilalang si Atty. Mendoza, isang top caliber lawyer.
Kinolektahan umano ang complainant ng Php19,100,000 mula Marso hanggang Oktubre 2023 bilang legal fees para sa kanyang serbisyo.
Pagkatapos nito, humingi pa siya ng karagdagang Php5,000,000.00 bilang hindi pa nabayarang balanse sa kanyang legal services at assistance .
Inaresto ng NBI ang nagpapanggap na abogado sa isinagawang entrapment operation.
Sinampahan na ng kaso si Catarbas at iniharap na sa inquest proceedings sa Office of the City Prosecutor sa Bacoor, Cavite.| ulat ni Rey Ferrer
