Nais bigyang prayoridad ng bansang Australia ang Pilipinas na lagakan ng investment pledges mula sa kanilang bansa dahil sa magandang ipinamamalas ng bansa pagdating sa ekonomiya.
Ayon kay Australian Ambassador to the Philippines Hae Kyong Yu dahil ito sa magandang performance ng bansa sa pagkuha ng investment pledges mula sa ibang bansa at hanggang sa pagsasaayos ng mga nakuhang mga pamumuhunan at pagiging hands-on ng Pilipinas.
Dagdag pa ni Yu, nakatakdang maglaan ng $19.2 million na halaga ng investment ang Australia sa South East Asia upang makatulong sa pagpapalago at ekonomiya sa naturang rehiyon, bagay na malaking parte ay nakuha na ng Pilipinas.
Postibo naman si Ambassador Yu na malaki ang potensyal ng Pilipinas na maging isa sa may pinakamatatag na ekonomiya sa South East Asia. | ulat ni AJ Ignacio
