Hinikayat ni Pangulong Ferdinand R. Marcos Jr. ang sambayanang Pilipino na suportahan ang mapayapang resolusyon upang ganap nang mawakasan ang ilang dekadang communist insurgency.
Sa pahayag ng Pangulo sa kanyang X (Twitter) account, sinabi ng Pangulo na nagkasundo na ang pamahalaan at National Democratic Front of the Philippines (NDFP) na muling ituloy ang nahintong peace talks.
Ito ay para na rin sa nagkakaisang Pilipinas sa gitna ng seryosong socio- economic, environmental, at foreign security threats.
Dagdag ng Chief Executive na magpapatuloy ang kanyang administrasyon na ipursige ang adhikain hindi lamang para sa kapayapaan kundi pati na na din sa kasaganaan at pagbubuklod ng bansa.
Mananatiling bukas din, sabi ng Punong Ehekutibo, ang pintuan ng pamahalaan para sa mga gustong makipagkaisa sa pagtataguyod ng kapayapaan at unity sa bansa. | ulat ni Alvin Baltazar
