Ikinatuwa ng Embahada ng Israel sa Pilipinas ang tuluyang pagpapalaya ng grupong Hamas kay Noralin “Nataly” Babadilla.
Ayon sa Embahada, si Babadilla ay kasalukuyang sumasailalim sa medical evaluation sa Tel HaShomer Hospital sa Israel upang matiyak na nasa maayos itong kalagayan.
Umaasa naman ang Embaha na ligtas na makababalik ang natitirang mahigit 150 mga indibidwal na dinukot ng Hamas, kabilang ang siyam na mga bata.
Matatandaang bumisita si Babadilla at ang kaniyang partner na si Gideon Babani sa kanilang kaibigan sa Kibbutz Nirim noong umatake ang Hamas noong October 7.
Napatay ng naturang grupo si Babani, at dinukot naman ng Hamas si Babadilla at dinala sa Gaza.
Tiniyak naman ng Embahada na bibigyan ng tulong ng pamahalaan ng Israel pati na ang pinalayang OFW na si Jimmy Pacheco katulad ng tulong na ibibigay sa lahat ng biktima na nadamay sa kaguluhan sa kanilang bansa. | ulat ni Diane Lear
