Napatatag ang ugnayan ng Western Mindanao Command (WestMinCom) ng Armed Forces of the Philippines (AFP) at Police Regional Office (PRO) 9.
Ito’y kasunod ng pagbisita ni PRO-9 Regional Director Police Brigadier General Bowenn Joey Masauding sa WestMinCom Headquarters sa Camp Navarro, Calarian, Zamboanga City kahapon.
Si Brig. Gen. Masauding ay malugod na tinanggap ni WestMinCom Commander Lieutenant General William Gonzales at ng kanyang staff na pinangungunahan ni Colonel Emmanuel Cabasan.
Ayon kay Lt. Gen. Gonzales, ang pagbisita ni Brig. Gen. Masauding ay naging magandang pagkakataon para mapalakas ang kolaborasyon at koordinasyon sa pagitan ng militar at pulis sa Region 9.
Tiniyak ni Lt. Gen. Gonzales ang patuloy ng pagtutulungan ng militar at pulis para mapangalagaan ang kaligtasan ng mga mamamayan, partikular na ngayong holiday season. | ulat ni Leo Sarne
