Inaasahan ng PAGASA na magpapatuloy ang maulap at madalas na makulimlim na panahon na may tyansa ng pag-ulan sa Metro Manila at ilang bahagi ng bansa hanggang sa araw ng Pasko.
Ayon sa PAGASA, ito ay bunsod ng pag-iral ng shear line na nakakaapekto sa silangang bahagi ng Luzon at pati na ang northeast monsoon o amihan na umiiral sa Northern at Central Luzon.
Sa Metro Manila, may tyansa ng pag-ulan pagsapit ng bisperas at araw ng Pasko.
Makulimlim na panahon rin ang asahan sa Baguio City at CAR hanggang sa Lunes, December 25 dahil sa northeast monsoon.
Kaugnay nito, wala namang inaasahan ang PAGASA na papasok na bagyo sa Philippine Area of Responsibility (PAR) sa long weekend hanggang Pasko. | ulat ni Merry Ann Bastasa
