Umabot na sa 12 ang bilang ng mga nabiktima ng mga paputok, halos isang linggo bago ang pagsalubong sa Bagong Taon, ayon sa pinakahuling tala ng Department of Health (DOH).
Ayon sa ulat ng DOH-Fireworks-Related Injury (FWRI), may kasalukuyang 12 kaso na ng fireworks-related injuries ang naitatala sa buong bansa matapos makapagtala ng panibagong apat na kaso sa nakalipas na magdamag.
Dalawa sa mga bagong kaso ay mga batang lalaki, 11 at 17 taong gulang na gumamit ng ilegal na paputok na piccolo at boga.
Habang ang dalawang iba pa ay isang lalaki at babae na kapwa gumamit ng kwitis.
Patuloy naman ang panawagan ng DOH sa mga LGU at mga lider sa pribadong sector na mag-organisa na lamang ng mga community fireworks display kapalit ng paggamit ng mga paputok. | ulat ni EJ Lazaro