Makakaasa ng buong suporta ang Armed Forces of the Philippines mula sa Kamara para sa pagsusulong ng AFP Modernization.
Ito ang pagsisiguro ni House Speaker Martin Romualdez sa isinagawang HOR-AFP fellowship series (Visayas leg) kasama si AFP Chief of Staff Gen. Andres Centino.
Aniya mahalaga ang modernisasyon ng Sandatahang Lakas upang matiyak ang peace and national security ng bansa.
“The House of Representatives is committed to modernize the Armed Forces of the Philippines as it is crucial to our nation’s sovereignty and security. Our military should be equipped with the latest technological advances and training to respond to the continuing threats that we face,” saad ng House Speaker.
Kasabay nito ay ibinalita rin ni Romualdez na ratipikado na ng Kongreso ang panukalang batas na layong ayusin ang termino ng military officers.
Salig sa naturang panukala itatakda ang retirement age ng mga kawani ng AFP sa 57 years old, maliban sa AFP chief of staff.
Magkakaroon din ng 3-year fixed term ang AFP chief of staff na kailangan niyang tapusin.
Sa paraang ito matitiyak aniya ang maayos na turnover ng liderato para sa isang propesyunal na AFP.
“Regular turnover can ensure that new ideas and perspectives are constantly being introduced and that there is a healthy culture of competition and meritocracy within the Armed Forces,” dagdag ni Romualdez.
Binigyang halaga rin ng House leader ang kahalagahan ng magandang ugnayan sa pagitan ng AFP at Kongreso upang mas maayos na mapagsilbihan ang taumbayan.
“As we all know, the relationship between the legislature and the Armed Forces of the Philippines is essential to the well-being and security of our nation. In order to strengthen this bond, it is important to engage in activities that promote camaraderie and mutual understanding…and ultimately work together more effectively to serve our nation and its people,” pagtatapos ni Romualdez. | ulat ni Kathleen Jean Forbes
