Kanselado ang apat na biyahe sa Ninoy Aquino International Airport (NAIA) ngayong araw dulot ng masamang panahon.
Batay sa abiso ng Manila International Airport Authority (MIAA), kanselado ang biyahe ng Cebu Pacific flight 5J 504/505/506 at 507 na pawang mga biyaheng Maynila patungong Tuguegarao at pabalik.
Dahil dito, inaabisuhan ng MIAA ang mga apektadong pasahero na makipag-ugnayan sa kanilang airline company hinggil sa refund o rebooking ng kanilang biyahe. | ulat ni Jaymark Dagala
