Puspusan na sa paghahanda ang Department of Agriculture (DA) at Inter Agency Task Force on El Niño upang mapagaan ang epekto ng dry spell sa produksyon ng pagkain maging sa mga magsasaka at mangingisda.
Ayon kay Agriculture Secretary Francisco Laurel Jr. ang ginagawang intervention ay isinasagawa ng mga ahensya sa ilalim ng DA.
Kabilang na dito ang pagsasaayos at rehabilitasyon sa mga irigasyon, cloud seeding, pagbibigay ng mga alagang hayop, at alternatibong pangkabuhayan sa mga magsasaka at mangingisda, at ang modernong paraan sa pagtatanim ng palay.
Nabatid na aabot sa 843 kilometers ang target ng DA sa irigasyon kung saan 740 kilometers dito ang naisaayos na.
Sa kasalukuyan, nasa 56,169 na alagang hayop ang naipamahagi na sa grupo ng mga magsasaka. | ulat ni Rey Ferrer
