Inaasahang dadagsain ngayong araw ng mga pabalik ng National Capital Region ang Legazpi Grand Terminal matapos ang pagsalubong sa bagong taon.
Sa tala ng pamunuan ng nasabing terminal, maaaring umabot sa 17,000-20,000 bilang ng mga pasahero ang maitala ng magsimula ang holiday season. Parehong bilang sa naitala nitong nakaraang taon.
Ayon kay Jeancresia Borlasa, Terminal Manager, nakahanda aniya sila sa pagdagsa ng mga babyahe ngayong araw. Siniguro rin nila na ligtas at may mga masasakyan ang mga pasahero.
Ayon naman sa ilang ticket seller sa terminal, fully booked na aniya ang ilang bus. Dagdag nila, may mga dagdag na bus naman aniya na ipinapadala ang mga bus company para mapaunlakan ang mga karagdagang pasahero.
Sa ngayon, nasa 13 kumpanya na ng bus ang patuloy na bumabyahe ngayon mula sa terminal papuntang Paranaque Integrated Terminal Exchange. Mahigpit din ang seguridad na isinasagawa ng awtoridad para sa ligtas na byahe ng mga pasahero. | ulat ni Garry Carl Carillo, RP Albay