Pag-iigtingin pa ng pamahalaan ang mga ipinatutupad nitong hakbang upang maharang ang pagpasok sa bansa ng resources na layong pondohan ang mga terorista o anomang aktibidad na layong magdulot ng kaguluhan at takot sa publiko.
Sa press briefing sa Malacañang, sinabi ni Anti-Money Laundering Council (AMLC) Executive Director Matthew David na mayroong silang tatlong action items na tinututukan kaugnay sa terrorist financing.
Una ay ang pagtukoy dito.
Ibig sabihin, ang law enforcement agencies tulad ng PNP, NBI, NICA, at iba pa, maging ang AMLC ay kailangan i-identify ang mga persons of interest o posibleng terrorist o terrorism financers.
Ikalawa, kailangan rin imbestigahan o palakasin ang imbestigasyon ng law enforcement agencies laban sa terrorism financing, at sampahan ng kaso ang mga mapapatunayang dawit dito.
Sa kasalukuyan, tinututukan ngayong ng AMLC na maalis ang Pilipinas sa grey list ng global money laundering and terrorist financing watchdog na Financial Action Task Force (FATF).
At ang mga nabanggit na hakbang ay ilan lamang sa mga gagawin ng pamahalaan, upang maalis na ang bansa sa grey list na ito.| ulat ni Racquel Bayan
