Matagumpay na nahuli ng mga operatiba ng Valencia City Police Station ang dalawang suspek na nagbebenta ng iligal na droga sa lungsod ng Valencia, Bukidnon kahapon, Enero 2, 2024 dakong alas-10:30 ng gabi sa isinagawang buy-bust operation sa Purok 4 ng nasabing lugar.
Ang dalawang suspek ay mga lalaki at nasa 30 at 31 taong gulang.
Nakuha sa mga suspek ang hinihinalang shabu na may timbang na 82.14 grams at nagkakahalaga ng P558,552.00, isang home-made na Uzi submarine gun at isang Itim na Toyota Altis na may plakang KVV 947.
Sa ngayon, ang mga suspek ay nasa kustodiya ng Valencia City Police Station at nahaharap sa kasong paglabag sa Section 5 at 11 ng RA 9165 at RA 10591 ang ihahain laban sa kanila. | ulat ni Cocoy Medina | RP1 CDO
