Patuloy ang pagdagsa ng mga pasahero sa Parañaque Integrated Terminal Exchange (PITX) ngayong araw ng Martes.
Kabilang sa nga byahe dito ang papuntang Bicol, Oriental Mindoro, Davao, Bohol, Romblon, Iloilo, Samar, Baguio, at marami pang iba tulad ng Batangas, Laguna, at Quezon Province.
Sa ngayon abala na ang ticketing booth lalo pa’t habang lumilipas ang araw ay mas dumarami ang mga pasahero.
Sa ngayon fully booked na ang mga byaheng pa-Bicol para sa airconditioned na bus habang nag-request na sa Land Transportation Franchising and Regulatory Board (LTFRB) ng special permit ang iba mga bus company.
Samantala, mahigpit ang ipinatutupad na seguridad sa PITX. May X-ray machine, K9 dog na umiikot, at may mga pulis na nakabantay. | ulat ni Don King Zarate