Mas pinadali at mas marami na ang maaaring ipalit na grocery sa basura sa “Recyclables Mo, Palit Grocery Ko” project ng Metropolitan Manila Development Authority (MMDA).
Ayon sa MMDA, ang mga nareresiklo gaya ng karton na ang isang kilo ay katumbas ng 6 puntos noon, ay pwede nang ipalit sa MMDA Mobile Materials Recovery Facility para sa 2.5 puntos.
Mas maraming grocery items na rin ang pwedeng pagpilian gaya ng bleach, shampoo, sabong panlaba, panligo, at mga inumin.
Ang Mobile Materials Recovery Facility at Recyclables Mo, Palit Grocery Ko program ay ilan sa inisyatiba ng MMDA sa ilalim ng Metro Manila Flood Management Project.
Layon nitong turuan ang publiko ng tamang pamamahala sa basura at mabawasan ang mga solid waste sa mga daluyang tubig.
Para sa karagdagan impormasyon kung paano sumali sa programa, maaaring bisitahin ang Facebook page ng MMDA. | ulat ni Diane Lear
