Pinangunahan ni Armed Forces of the Philippines (AFP) Chief General Romeo Brawner Jr. ang pagbubukas ng AFP Chief of Staff Challenge Shooting Competition sa Forth Del Pilar, Baguio City kahapon.
Kasama ni Gen. Brawner sa Opening Ceremony at Ceremonial Shoot si Technical Education and Skills Development Authority (TESDA) Director General Secretary Teng Mangudadatu, na naging panauhing pandangal at pangunahing tagapagsalita.
Ang limang araw na kompetisyon na tatagal hanggang January 28 ay sanctioned ng Philippine Shooters and Match Officers Confederation.
Ang dalawang event ng kompetisyon ay binubuo ng AFP Match para active military personnel na mula kahapon hanggang ngayong araw, at ang Main Match na bukas sa militar at sibilyang shooter mula January 26 hanggang 28.
Ang aktibidad ay para sa benepisyo ng mga sugatan at may sakit na sundalo sa AFP Health Service Command; pangsuporta sa scholarship ng military orphans, at pagsasaayos ng Philippine Military Academy (PMA) Firing Range. | ulat ni Leo Sarne
📸: PFC Carmelotes/PAOAFP
