Bibigyan ng legal assistance ng Department of Foreign Affairs (DFA) ang dalawang Pilipinong naakusahan ng abandonment sa labi ng dalawang mag-asawang Japanese national kamakailan.
Ayon kay Foreign Affairs Undersecretary Eduardo De Vega, na hindi pa akusado sa pagpatay sa mag-asawang Hapon ang isang Pinay na inaresto sa Japan dahil wala pang ebidensyang magpapatunay sa pagkamatay ng dalawang mag-asawang Hapon.
Ibig sabihin kapag may nakitang patay na tao na iniwanan lang at hindi ni-report sa pulis, puwede itong kasuhan ng abandonment dahil maaaring kasabwat ito sa pagpatay pero hindi ibig sabihin na murder case.
Dagdag pa ni de Vega, handa rin ang DFA na magbigay ng legal assistance sa Pinay sa korte at kailangan ng defense lawyer kung saan gastos ito ng ating pamahalaan kung kinakailangan. | ulat ni AJ Ignacio
