Nagkaroon ng mga bagong miyembro ang Commission on Appointments (CA) sa katauhan ng apat na mga senador.
Sa naging sesyon kahapon, Enero 30, kabilang sa mga nahalal bilang mga bagong CA members sina Senate Majority Leader Joel Villanueva, Senador Raffy Tulfo, Senador Ronald ‘Bato’ dela Rosa, at Senador Ramon ‘Bong’ Revilla.
Papalitan nila sina Senador JV Ejercito, Senador Francis Tolentino, Senadora Nancy Binay at Senadora Imee Marcos sa CA.
Ang Sommission on Appointments ang siyang nag-aapruba sa mga appointment na ginagawa ng Pangulo ng Pilipinas.
Binubuo ang CA ng 12 miyembro ng Senado at 12 miyembro ng Kamara habang tumatayo namang ex-officio chairperson ng CA ang senate president. | ulat ni Nimfa Asuncion
