Target ni Senate Subcommittee on Constitutional Amendments and Revision of Codes Sonny Angara, na magkaroon ng pagdinig kada linggo para talakayin ang panukalang economic chacha.
Ayon kay Senador Angara, na siyang mangunguna sa pagdinig, sisikapin nilang lingo-linggong makapag hearing para mas maging komprehensibo ang mabubuo nilang panukalang amyenda sa economic provision ng konstitusyon.
Binigyang diin ni Angara, na limitado lang ang gagawin nilang pagdinig sa economic amendments, partikular na sa mga probisyon na tinukoy sa Resolution of Both Houses no. 6.
Muling tiniyak ng senador, na hindi tatalakayin sa kanilang mga pagdinig ang anumang panukalang amyenda sa political provisions ng Saligang Batas.
Sa Lunes nakatakdang magsimula ang pagtalakay ng komite ni Angara sa RBH 6.
Una nang sinabi ng senador, na iimbitahan niya dito ang mga kinatawan ng iba’t ibang sektor at mga eksperto. | ulat ni Nimfa Asuncion