Nagsagawa ng Mass CPR o Cardiopulmonary Resuscitation ang Education, Research, and Training Services ang Philippine Heart Center para sa publiko.
Ang CPR Training ay inilunsad bilang bahagi ng pagdiriwang ng ika-49 na Anibersaryo nito.
Layunin ng programang ito na pataasin ang kamalayan at pagbutihin ang kumpiyansa ng publiko na tumugon sa mga emergency situation.
Ayon sa PHC, ang sudden cardiac arrest ay nananatiling pangunahing problema sa kalusugan ng tao.
Ito ay nauugnay sa mababang rate ng kaligtasan ng buhay, at pangunahing pang matagalang malubhang kapansanan sa pag-iisip dahil sa pagkaantala sa cardiopulmonary resuscitation (CPR) at paggamot.
Kapag ang isang tao ay may biglaang cardiac arrest, ang kanyang kaligtasan ay lubos na nakasalalay sa agad na pagkuha ng CPR mula sa isang bystander.
Ang bawat minutong pagkaantala ng mga hakbang sa resuscitative ay nagpapababa ng posibilidad na mabuhay ng halos 10%.
Batay sa pag-aaral, ang epektibong CPR na ginawa kaagad pagkatapos ng cardiac arrest ay maaaring doblehin ang pagkakataon ng biktima na mabuhay. | ulat ni Rey Ferrer
