Pinag-iingat ng Civil Service Commission (CSC) ang publiko laban sa ilang mga indibidwal na nagpapanggap na kawani ng komisyon para makapambiktima.
Naglabas ng pahayag ang CSC kung saan inaabisuhan nito ang publiko na huwag paniwalaan ang mga tumatawag na indibidwal na nagsasabing kinatawan sila ng komisyon partikular na ng Office for Legal Affairs (OLA).
Sa nakarating na impormasyon sa CSC, ginagamit itong modus ng ilang manloloko.
Paglilinaw ngayon ng komisyon, walang sinuman sa mga empleyado nito ang otorisadong makipagtransaksyon sa anumang private business o enterprise.
Kaugnay nito, hinikayat naman ng CSC ang mamamayan na ireport sa kanila kung may matatanggap na kaparehong concern.
Maaaring tumawag sa +63 8932-3781; o mag-email sa [email protected]. | ulat ni Merry Ann Bastasa