Tumanggap ng mga bagong motorized boats ang apat na fishermen associations sa lungsod ng Malabon.
Ito ay sa tulong ng Bureau of Fisheries and Aquatic Resources BFAR) at Department of Labor and Employment (DOLE) na nakaangkla sa layunin ng lokal na pamahalaan na mabigyan ng atensyon ang mga mangingisda sa Malabon lalo’t isa ito sa pinagkakakitaan ng maraming Malabueños.
Pinangunahan mismo ni Malabon Mayor Jeannie Sandoval ang isinagawang awarding ng mga bangka sa Malabueño fishermen groups.
Ayon kay Public Empoyment and Services Office Head (PESO) Ms. Luziel Balajadia, ang mga benepisyaryong mangingisda ay mula sa Barangay Tañong, Hulong Duhat, Concepcion, at Ibaba.
Maliban sa mga bangka, tumanggap rin ang mga ito ng 40 fishing nets na maaaring makatulong sa kanilang kabuhayan. | ulat ni Merry Ann Bastasa