Nasagip ng Bureau of Fire Protection (BFP) ang isang maliit na kuwago sa Brgy. Tarrag, Pagudpud, Ilocos Norte.
Ayun sa BFP Pagudpud na pinamumunuhan ni Municipal Fire Marshal SFO4 Roy Bonoan, may nangyaring maliit na grassfire sa naturang barangay sa bandang 2:49 PM kaya’t rumisponde sila upang apulahin ang sunog.
Habang inaapula ang sunog, napansin ng isang kasapi ng BFP ang isang kuwago sa lilim ng punong Lagundi dahil naiinitan sa sunog.
Ayun pa sa BFP, wala namang sugat ang maliit na kuwago at agad namang ipinasakamay sa Municipal Environment and Natural Resources Office (MENRO) ng Pagudpud.
Ipinasakamay naman ng MENRO ang kuwago sa Community ENRO sa bayan ng Bangui upang doon alagaan at tingnan ang kalagayan nito.| ulat ni Ranie Dorilag
