Sinalubong ni Tourism Secretary Christina Frasco ang mga foreign tourist mula sa South Korea na nais bumista sa mga tourism site sa bansa.
Umabot sa 1,400 na turista ang sinalubong ng kalihim sa Mactan Cebu International Airport, at ito na ang ikalawang batch mula sa naturang bansa.
Ani Frasco, na malugod nilang ikinatuwa ang pagdating ng turista mula sa Korea, at hangad nito na malaki ang maiaambag ng mga ito sa tourism recovery ng Pilipinas.
Kaugnay nito, umabot na sa 1.5 million foreign tourist arrivals na ang naitatalang tumungo sa ating bansa upang magbakasyon.
Samantala, inaasahang maaabot ang target nitong tourist arrivals ngayong taon na nasa mahigit apat na milyon na tourist arrivals sa bansa. | AJ Ignacio
