Nagtalaga ng bagong opisyal si Agriculture Secretary Francisco Tiu Laurel, Jr. sa Department of Agriculture (DA).
Itinalaga ng kalihim si Atty. Paz Benavidez II bilang assistant secretary for policy and regulations.
Isa sa pangunahing gawain ni Asec. Benavidez ay ang pamunuan ang secretariat ng oversight panel ng Department of Agriculture sa pagpapalabas ng mga regulasyon, na nilikha bilang pagsunod sa mga probisyon ng Anti-Red Tape Act.
Nauna nang itinalaga ni Secretary Tiu Laurel bilang Undersecretary for Policy, Planning and Regulations, si dating BFAR Director Asis Perez.
Itinalaga rin si Assistant Secretary Noel Padre bilang assistant secretary for Planning and Project Development;Arthur Dayrit,bilang regional technical director for operations para sa Regional Field Office III; at iba pang bagong opisyal ng ahensya na sina Dr. Irene Adion, Fidel Libao, Celso Olido, Maria Melba Wee, Maria Gemma Genaldo Engr. Redeliza Gruezo, Atty Jennilyn Dawayan at Vener Dalig. | ulat ni Rey Ferrer