Hinuli ng mga kawani ng Bureau of Immigration (BI) ang isang 23-taong gulang na babaeng Senegalese matapos subukan nitong lumipad patungong Europe gamit ang pekeng Schengen visa.
Kinilala ng mga awtoridad ang nasabing babae na si Binetou Dieng na pinaghihinalaan ng BI na konektado sa syndicate trafficking ng mga African sa Europa.
Napag-alaman ding kagagaling din ng suspek mula sa Middle East kasama ang ang isang pinaghihinalaang courier para sa sindikato.
Nagpasalamat naman si BI Commissioner Norman Tansingco sa Eva Air representative na nagbigay ng alerto sa kanilang tanggapan ukol sa kahina-hinalang visa ni Dieng.
Kung saan matapos ang eksaminasyon na ginawa ng BI anti-fraud section ay nakumpirma na peke ang Schengen visa at ID na ipinakita ng ng nasabing pasahero.
Ksalakuyang nakadetine na sa pasilidad ng BI sa Taguig City si Dieng at nahaharap ngayon sa deportasyon at isasama na sa blacklist ng ahensya upang pigilan pang muling makabalik dito sa bansa. | ulat ni EJ Lazaro