Malugod na tinanggap ni Western Mindanao Command (WestMinCom) Commander Lt. General William Gonzales ang pagbisita ni celebrity reservist Lt. Ronnie Liang
sa Camp Navarro, Calarian, Zamboanga City kamakalawa.
Kasama ni Lt. Gen. Gonzales sina Deputy Commander Brig. Gen. Aldrin Annani at Assistant Chief of Unified Command Staff for Reservist and Retiree Affairs Capt. Edwin Ello sa pagtanggap sa aktor, mang-aawit at social media influencer.
Pinuri ni Lt. Gen. Gonzales si Lt. Liang sa kanyang dedikasyon bilang reserve officer, at sa pagbibigay ng kanyang boluntaryong serbisyo tuwing kailangan.
Nagpasalamat din ang Heneral sa suporta ni Liang sa organisasyon sa pamamagitan ng kanyang ginagawang “social media content” na nagtatanghal ng pagbabago sa mga komunidad na dating apektado ng kaguluhan sa nasasakupan ng WestMinCom.
Si Lt. Liang ay nagseserbisyo sa ilalim ng 16th Regional Community Defense Group na pinamumunuan ni Col. Markton Abo. | ulat ni Leo Sarne
📷: WestMinCom
