Sabay-sabay na sumuko sa magkahiwalay na unit ng 901st “Fight Em” Brigade ang 9 na miyembro ng NPA sa Caraga Region nitong Sabado.
Lima sa mga ito na mula sa Regional HQ (RHQ) ng North Eastern Mindanao Regional Committee (NEMRC) ang sumuko sa 29th Infantry Battalion sa Agusan del Norte kasabay ng pagsuko ng dalawang M16 rifles, isang AK47 rifle, at isang grenade launcher.
Habang apat na miymebro naman ng napahinang Guerilla Front 30 (WGF30) ang sumuko sa 36th Infantry Battalion sa Surigao del Sur, dala ang isang AK47 rifle at caliber 45 pistol.
Ayon kay 901st Brigade Commander Brigadier General Arsenio Sadural, ang mga sumuko ay tumakas mula sa kani-kanilang mga grupo dahil dismayado na sila sa kilusan at nais nang umuwi sa kani-kanilang mga pamilya.
Dagdag ni BGen. Sadural, ang mass surrender ay indikasyon ng napipinto na pagbagsak ng NEMRC at wala nang “choice” ang mga miyembro nito kundi sumuko o mamatay sa pakikipaglaban. | ulat ni Leo Sarne
📷: 901st Brigade