Pinuri ng isang mambabatas ang mabilis na pagproseso ng Board of Investments ng Department of Trade and Industry sa 41 foreign-funded projects sa ilalim ng administrasyong Marcos.
Ayon kay Surigao del Norte Rep. Robert Ace Barbers lalo nitong palalakasin ang ekonomiya ng bansa lalo na sa gitna ng pagtaas ng inflation.
“This is a welcome development for all of us. And this is what we all need. We thank President Marcos Jr. for doing all he can in enticing foreign direct investments to come. We also commend Speaker Ferdinand Martin Romualdez for the support in helping make this happen,” sabi ni Barbers.
Tinukoy ng mambabatas ang ulat ng DTI kung saan binigyan ng “green lane certification” ang 41 proyekto noong February 28.
Sa bilang na ito, 20 ay nagpakita na ng interes sa mga nakalipas na presidential visits ng Pangulong Ferdinand R. Marcos Jr.
“We have started the ball rolling so to speak. And all we need is just to take a pro-active stance by consistent follow-ups so that these will all come into fruition. By then, we will be creating more jobs and generate more activities for the economy to boom even more,” ayon pa sa mambabatas.
Sa kabuuang 148 proyekto, 46 sa mga ito ay ginagawa na, habang ang 102 ang kasalukuyan pang nakabinbin.
Naghahanda na rin aniya ang foreign investors para matupad ang may 102 investment pledges, na nagkakahalaga ng $58 bilyon na naselyuhan sa mga foreign trips ni PBBM. | ulat ni Kathleen Jean Forbes