Kinasuhan ni dating Sen. Francis Pangilinan sa Department of Justice ng reklamong paglabag sa kasong libel kaugnay sa Cybercrime Prevention Act ang Youtube channel na Bungangera TV gayundin ang mga opisyal ng Google at Youtube sa Pilipinas
Base sa complaint affidavit ni Pangilinan, Disyembre pa siya unang nakipag-ugnayan sa Google at Youtube pero walang ginawang aksyon ang mga ito.
Partikular na inireklamo ni Pangilinan ang video post ng Bungangera TV na may Title na ‘Gabby Concepcion Sinugod si Kiko Pangilinan dahil sa ginawa nito kay KC Concepcion’.
Masyado na aniyang mapanira ang mga pekeng impormasyong ipinakakalat laban sa kanya at mismong ang asawa nang si Sharon Cuneta ang nagtutulak na magsalita siya sa media para ipaabot ang saloobin nila sa mga lumalabas na kasinungalingan. | ulat ni Mike Rogas